Chak ane, Jounen Ent\u00e8nasyonal J\u00e8n yo (JIJ) se yon okazyon pou mete limy\u00e8 sou kontribisyon, inisyativ ak w\u00f2l j\u00e8n yo nan kominote yo. Pou CLE, JIJ 2026 te yon moman espesyal pou selebre yo, men sitou pou mete an val\u00e8 fason yo te mobilize nan gwo Rezo CLE a, nan kat kwen peyi a, pou f\u00e8 jounen sa viv atrav\u00e8 div\u00e8s inisyativ.<\/p>\n\n\n\n
Nan plizy\u00e8 depatman, j\u00e8n yo te pran inisyativ, patisipe nan f\u00f2masyon, \u00f2ganize konferans, kreye espas pou pataje eksperyans epi mete t\u00e8t yo ansanm pou reflechi sou aksyon yo kapab pote nan kominote yo. Seri aktivite sa yo te montre yon rezo j\u00e8n ki angaje, ki konekte epi ki pare pou mete lide yo an mouvman.<\/p>\n\n\n\n
Selebrasyon JIJ 2026 nan depatman Lw\u00e8s la te f\u00e8t sou baz kolaborasyon, kote plis pase 30 \u00f2ganizasyon ak asosyasyon j\u00e8n ki chita nan menm espas, pran tan pou dekouvri travay yonn l\u00f2t epi ch\u00e8che sa yo kapab f\u00e8 ansanm.<\/p>\n\n\n\n
Se te okazyon tou, pou CLE ak Banj mete t\u00e8t yo ansanm pou kreye yon espas kote asosyasyon sa yo kapab rankontre, pataje epi reflechi sou aksyon yo ka mennen ansanm. <\/p>\n\n\n\n
Se nan lespri sa a jounen selebrasyon JIJ 2026 la te dewoule nan depatman Lw\u00e8s la.<\/p>\n\n\n\n
Pandan echanj yo, akt\u00e8 sa yo te aprann konnen plis sou travay yonn l\u00f2t epi pran angajman pou mete men yonn ak l\u00f2t pou reyalize aksyon konkr\u00e8. Angajman sa yo pa t rete nan paw\u00f2l. Yo te materyalize sou f\u00f2m yon matris angajman, yon fason pou mete sou papye sa chak \u00f2ganizasyon dispoze pote epi f\u00e8 ansanm, tankou volonte pou travay ansanm pou f\u00e8 plis enpak. <\/p>\n\n\n\n
B\u00f2 kote pa yo, depi l\u00e8 mwa dawout la k\u00f2manse pwoche, j\u00e8n nan depatman Sid\u00e8s, Sant, N\u00f2d\u00e8s, N\u00f2dw\u00e8s, N\u00f2, Sid ak Nip te gentan ap \u00f2ganize yo pou kondui f\u00f2masyon sou ABCD, osinon patisipe ladan l.<\/p>\n\n\n\n
F\u00f2masyon sa te p\u00e8m\u00e8t yo reflechi sou resous ki deja egziste nan kominote yo epi sou fason yo kapab s\u00e8vi av\u00e8k yo pou kreye chanjman. Inisyativ sila soti nan volonte pou j\u00e8n yo rive konnen reyalite kominote yo, idantifye sa ki disponib epi w\u00e8 kiy\u00e8s nan resous sa yo yo kapab mete ansanm nan lide pou poze aksyon.<\/p>\n\n\n\n
Nan menm lide aprantisaj sa, k\u00f2dinasyon Rezo CLE Grande-Anse lan te \u00f2ganize yon konferans sou : \u201cantreprenarya ak j\u00e8n yo : w\u00f2l yo nan devlopman kominot\u00e8\u201d.<\/em> Yo te makonnen li ak yon fwa agwo atizanal ki te kreye yon espas pou rankont ak pataj eksperyans nan objektif pou dekouvri nouvo moun, nouvo inisyativ ak tande l\u00f2t fason pou ab\u00f2de yon pwobl\u00e8m.<\/p>\n\n\n\n L\u00e8 yon aktivite fini, nou souvan w\u00e8 moun ki te patisipe yo, foto yo, diskisyon yo, f\u00f2masyon yo ak lide yo. Men nou pa toujou panse ak travay san kanpe yo, risk yo. Paske, l\u00e8 yon gwoup moun deside travay ansanm, pa gen garanti tout bagay ap mache jan yo te prevwa l. Gen lide ki bezwen ajiste ak obstak ki ka par\u00e8t sou wout la. <\/p>\n\n\n\n Se vre kantite moun ki te prezan enp\u00f2tan. Li bay yon endis sou kantite moun ou rive touche. Men nou pa dwe bliye relasyon ki kontinye apre aktivite a, konv\u00e8sasyon ki f\u00e8t sou sij\u00e8 a ank\u00f2 epi kolaborasyon ki pran jwenn lavi.<\/p>\n\n\n\n Kisa ki pase apre aktivite sa yo nan rezo pa nou ?<\/p>\n\n\n\n Se yonn nan refleksyon ki d\u00e8y\u00e8 \u201cAn n ret konekte\u201d, yon rankont anliy Rezo CLE a \u00f2ganize pou kreye yon l\u00f2t espas pou j\u00e8n yo kontinye pataje eksperyans yo epi aprann yonn nan men l\u00f2t.<\/p>\n\n\n\n Se pou sa Rezo a la : pou eksperyans yo pa rete lakay moun ki viv yo s\u00e8lman. Pou yo pataje yo, diskite sou yo epi enspire l\u00f2t moun.<\/p>\n\n\n\nKontinye aprann epi kenbe lide yo vivan<\/strong><\/h4>\n\n\n\n