\u00c8ske lid\u00e8chip toujou vle di pran devan oubyen pi popil\u00e8 ? Jeneralman, sosyete a konn mezire lid\u00e8chip apati viziblite, rezo, kontak, kapasite pou pale devan piblik, pozisyon nan yon seri mouvman oubyen \u00f2ganizasyon, e menm patisipasyon nan yon seri gwo aktivite. Men, konprann kesyon lid\u00e8chip la mande plis ef\u00f2 toujou, paske gen anpil moun ki d\u00e8y\u00e8 p\u00f2t la, ki pa f\u00e8 bri, ki pa renmen pran devan, men ki travay anpil pou reyisit yon seri gwo inisyativ. Moun sa yo oryante yon seri mouvman, yo kontribye nan f\u00e8 gwo enpak nan kominote yo ak sou lavi anpil moun. Nan atik sa a, nou pa gen entansyon banalize premye kategori lid\u00e8 yo, ni nou pa gen lide voye fl\u00e8 pou dezy\u00e8m kategori a pou fe konnen se li ki pi bon. Nou s\u00e8lman vle f\u00e8 sonje nou pa ka bliye sila yo k ap travay d\u00e8y\u00e8 rido a, san f\u00e8 bri.<\/p>\n\n\n\n
Youn nan egzanp ki ka eksplike lid\u00e8chip d\u00e8y\u00e8 s\u00e8n lan, sa se egzanp yon bato vwalye. Nan yon bato vwalye, gen plizy\u00e8 manm ki f\u00f2me ekip maren yo. Moun sa yo souvan nan pozisyon diferan l\u00e8 bato a ap demare, men tou pandan l ap navige. Gen moun ki la pou monte jip la, yo konn mete t\u00e8t yo ansanm pou monte gwo vwal la, gen moun ki pou mare k\u00f2d, gen yon moun ki chita d\u00e8y\u00e8 n\u00e8t, gen moun ki devan n\u00e8t tou. Maren ki nan mitan batiman an oswa sa ki nan t\u00e8t batiman an se pa neses\u00e8man yo menm ki lid\u00e8, paske se pa yo menm k ap mennen l epi ba l direksyon. Moun ki se lid\u00e8 batiman an chita d\u00e8y\u00e8 n\u00e8t, pou li kapab konekte ak gouv\u00e8nay la, mennen batiman an epi ba l direksyon.<\/p>\n\n\n\n
Egzanp sila a montre nou moun ki devan an pa toujou lid\u00e8 a, paske anpil fwa, lid\u00e8 a konn pa chwazi pran devan nan yon gwoup oubyen nan yon inisyativ e prefere delege lot moun. Gen moun tou, ki pa devan s\u00e8n lan, men ki toujou la l\u00e8 gen travay ki dwe f\u00e8t. Yo mobilize tout resous ki neses\u00e8, soutni moun ki dekouraje epi pwopoze solisyon l\u00e8 tout bagay par\u00e8t nwa. Moun sa yo se lid\u00e8 k ap travay d\u00e8y\u00e8 rido a. S\u00e8n nan pa t ap b\u00e8l san kontribisyon pa yo. <\/p>\n\n\n\n
Day\u00e8, youn nan fason pou yon moun angaje l, se mete konesans, konpetans ak eksperyans li nan s\u00e8vis yon k\u00f2z. L\u00e8 sa, piblik la pa toujou temwen. Se sa Patrick Avril esplike l\u00e8 li pataje eksperyans li konsa: \u00ab Yon fason yon moun ka angaje l pou yon bon k\u00f2z san l pa oblije sou pwojekt\u00e8, se mete eksp\u00e8tiz ak konesans li pou s\u00e8vi yon mouvman ki ka f\u00e8 enpak. Tankou jan m te f\u00e8 l d\u00e8ny\u00e8man, l\u00e8 mwen bay t\u00e8t mwen k\u00f2m fotograf pou aktivite AMII<\/a> an. \u00bb<\/em><\/p>\n\n\n\n Reyisit yon lid\u00e8 pa dwe mezire nan sa li reyalize pou t\u00e8t li s\u00e8lman, men tou nan kapasite li genyen pou l ede l\u00f2t moun grandi, pran responsablite epi kontribye nan reyalizasyon objektif pa yo tou. Li mezire tou nan fason li rive gen rezilta pozitif nan kominote l.<\/p>\n\n\n\n Sou pwen sa a, Benchy Chery deklare: \u00ab Lid\u00e8chip pa mezire s\u00e8lman sou baz plas yon moun okipe, men ak val\u00e8 l pote, jef\u00f2 l ak tras li kite nan lavi l\u00f2t moun. \u00bb<\/em><\/p>\n\n\n\n Paw\u00f2l sa yo f\u00e8 nou sonje yon l\u00f2t fason pou angaje w san w pa nan t\u00e8t yon inisyativ se soutni l\u00f2t moun, ankouraje yo epi ede yo devlope kapasite yo. Pafwa, kontribisyon yo pa par\u00e8t dir\u00e8kteman nan rezilta final la, men li ka ede yon l\u00f2t moun pran kouraj, aprann yon bagay nouvo oswa jwenn f\u00f2s pou l kontinye. <\/p>\n\n\n\nYon lid\u00e8 pa reyisi pou t\u00e8t li s\u00e8lman<\/strong><\/h2>\n\n\n\n